O 7 de abril de 2021 celebrouse o Día Mundial da Saúde e o Colexio Diocesano San Lorenzo-Seminario Menor de Lugo participou nesta celebración a través do Proxecto “Abril saudable”.

Realizáronse varias actividades en 3.º da ESO e en 1.º de BAC nas materias de Bioloxía e Cultura Científica: estudamos diferentes tipos de dietas, fixemos cálculos de metabolismo basal, gasto enerxético, índice de masa corporal, debatimos mitos e crenzas erróneas, analizamos os nutrintes que figuran nas etiquetas dos alimentos e comprobamos os nosos parámetros de saúde: saturación de osíxeno, presión arterial, frecuencia cardíaca e empregamos o fonendoscopio para auscultar.

O obxectivo deste proxecto é promover a educación para a saúde promovendo hábitos de vida saudables.