Quedamos sen palabras cos impresionantes traballos dos nosos compañeiros de 3.º ESO na materia  de Educación Plástica.

Unha actividade na que coa  axuda de Anxo, o seu profesor,  desenvolven as destrezas básicas no manexo de certas ferramentas de debuxo (lápices HB e B, difuminos e gomas).

Comprenderon, ademais, que a luz é un factor esencial do proceso de percepción e configuración de imaxes.

Traballaron a aplicación da escala de grises no rostro humano, tomando como modelos debuxos de artistas clásicos, e  facendo fincapé nas  proporcións da figura.

Parabéns por este fantástico traballo  e  agardamos  con impaciencia os vindeiros. Ánimo, artistas!