O Colexio Diocesano San Lorenzo toma o testigo da proposta educativa desenvolvida ata agora polo Seminario Menor Diocesano, fiel á vontade de seguir ofrecendo un espazo de formación integral e crecemento harmónico de todas as dimensións da persoa. O servizo educativo que, ao longo do tempo, o Seminario Menor prestou a tantas familias da Diocese de Lugo quere, deste xeito, continuar e ampliar o seu alcance, para que, como Escola Diocesana, poida ser un valioso instrumento de formación ao servizo de todos os que compartimos a nosa identidade e proposta.

Cremos que é posible, con esta nova articulación da oferta educativa, potenciar a valiosa experiencia formativa que se desenvolveu nas nosas aulas ao longo dos anos, e ofrecela a todos. E, ao mesmo tempo, coidar e preservar como ben a realidade do Seminario Menor de Lugo, que continúa coa súa misión vocacional co apoio dunha realidade educativa renovada.