Ciclo Medio Guía no medio Natural e Tempo Libre

Titulación: Técnico en Guía no Medio Natural e Tempo Libre

Nivel: Formación Profesional de Grao Medio

Familia Profesional: Actividades Físicas e Deportivas

Duración: 2000 horas (2 cursos académicos)

Modalidade: Presencial (Quenda de mañá)

Ciclo Concertado: Formación oficial e de balde

Descrición

Vive unha formación activa, práctica e na natureza

É unha formación orientada á acción, con alta demanda laboral e múltiples saídas profesionais no ámbito deportivo, educativo e do ocio.

Desde o primeiro momento participarás en actividades reais, saídas ao medio natural e dinámicas de grupo onde desenvolverás habilidades clave para traballar con persoas e xestionar actividades de tempo libre.

Ao longo do ciclo irás gañando seguridade, autonomía e experiencia práctica en situacións similares ás que atoparás no ámbito profesional.

É unha formación dinámica, variada e orientada á acción, na que cada día é diferente.

Metodoloxía

Aprenderás a través da experiencia. A formación baséase en:

Saídas ao medio natural de forma habitual.
Simulación de situacións reais de guiado e dinamización.
Traballo por proxectos e organización de actividades reais.
Aprendizaxe activa e participativa.
Uso de material específico e contornas reais.

O obxectivo é que saias preparado para traballar desde o primeiro día.

Saídas profesionales

Este ciclo ábreche as portas a múltiples ámbitos laborais, destacando especialmente:

Monitor de tempo libre en campamentos, actividades xuvenís e ocio educativo
Guía de actividades na natureza
Técnico en empresas de turismo activo
Dinamizador de actividades deportivas e recreativas
Coordinador de actividades de ocio e tempo libre
Apoio en programas educativos e actividades extraescolares

Ademais, poderás continuar a túa formación accedendo a un ciclo superior da familia deportiva.

¿A quen vai dirixido?

Este ciclo vai dirixido a persoas que:

Gozan do deporte e a actividade física
Teñen interese pola natureza e o aire libre
Queren traballar como monitor de tempo libre ou en actividades con grupos
Buscan unha formación práctica e activa
Valoran unha profesión dinámica, lonxe da rutina

Instalacións e recursos

O alumnado fórmase utilizando unha combinación de instalacións propias, espazos convencións e contornas naturais, o que permite unha experiencia completa e realista.

Instalacións propias do centro, como polideportivo, campo de fútbol ou rocódromo, entre outras, onde se traballan actividades e técnicas específicas.
Instalacións externas conveniadas, como piscina para o traballo acuático e socorrismo ou centros hípicos para actividades ecuestres, ademais de outros recursos atendendo ás necesidades formativas.
Contornas naturais próximas, fundamentais para o desenvolvemento de actividades reais de sendeirismo, orientación, bicicleta, piragüismo, barranquismo, surf, etc.

Esta variedade de espazos garante unha formación práctica adaptada a situacións reais do ámbito profesional.

Material necesario

Para o desenvolvemento das actividades prácticas, o alumnado deberá contar con equipamento deportivo básico:

Bicicleta e casco
Ropa e calzado deportivo axeitados para actividade física e medio natural
Material de piscina (Bañador, gorro e lentes)

Este material utilizarase de forma habitual ao longo do ciclo nas diferentes actividades prácticas diarias.

Módulos

Módulos formativos do primeiro curso (960 horas)

Inglés profesional (GM)
Técnicas de equitación
Organización de itinerarios
Guía de bicicleta
Técnicas de tempo libre
Técnicas de natación
Manobras con cordas
Sostibilidade aplicada ao sistema produtivo
Itinerario persoal para a empregabilidade I

Módulos formativos do segundo curso (1040 horas)

Habilidades comunicativas en lingua estranxeira (GM)
Afondamento nas competencias profesionais (GM)
Guía ecuestre
Atención a grupos
Guía de baixa e media montaña
Socorrismo no medio natural
Guía no medio natural acuático
Dixitalización aplicada aos sectores produtivos (GM)
Itinerario persoal para a empregabilidade II
Proxecto intermodular (GM)

Proceso de admisión

Solicitude dentro dos prazos oficiais de admisión da Xunta de Galicia
Acceso con título de ESO ou equivalente
Adxudicación de prazas segundo a normativa vixente

Máis información e solicitude: https://www.edu.xunta.gal/ciclosadmision/

Preguntas frecuentes

¿Ten algún custo?

Non. É un ciclo concertado e totalmente de balde.

¿É necesario ter un nivel físico alto?

Non é necesario un nivel alto inicial, pero si interese pola actividade física e disposición para mellorar.

¿Realízanse moitas actividades fóra da aula?

Sí. É unha formación moi práctica, durante todo o curso hai unha forte compoñente práctica dentro dos diferentes módulos, con actividades, saídas e situacións reais que forman parte da aprendizaxe.

¿O ciclo consiste en vir "xogar"?

Non. Aínda que é un ciclo dinámico e con moitas actividades prácticas, tamén require aprender contidos teóricos e saber aplicalos correctamente. O obxectivo non é participar como usuario, senón formarte como profesional: aprender a planificar, organizar e dirixir actividades, xestionar grupos e actuar con responsabilidade en situacións reais.