A diocese de Lugo contará cunha Escola Infantil desde Setembro
A partir do 1 de setembro deste ano contaremos cunha Escola infantil propia, xestionada pola nosa Fundación Educativa. Trátase da coñecida Escola Pepa Vagalume, de 0 a 3 anos, situada en Agro dá Torna 16, Lugo.
Coa acollida da titularidade desta Escola, a Fundación quere dar un novo impulso ao constante traballo educativo de la Iglesia na nosa terra lucense, contando xa con outros tres centros diocesanos na cidade: María Auxiliadora, A Milagrosa e San Lorenzo.
A pretensión deste cambio de titularidade é ofrecer un proxecto educativo católico coa mirada posta na formación integral dos nenos e que permita daquela unha continuidade da devandita educación en calquera dos colexios educativos cos que conta a institución. En consonancia co traballo realizado nos outros centros educativos, a pretensión é dar unha nova imaxe á escola, cunha renovación das instalacións, unha mellora do método educativo, pero dentro dunha liña de continuidade coas traballadoras que xa ten o centro. A iso súmase o cambio de nome, que pasará a denominarse “Escola infantil Niño Jesús”, cuxa memoria litúrxica celebramos hoxe.
Desexamos que a Escola, nesta nova etapa, poida continuar o seu camiño con renovada ilusión e seguir adiante na misión educativa, que se suma así á realidade xa existente nos outros tres colexios.
Feliz verán a todos e vémonos o 1 de setembro.
