Fórmate nun contorno práctico, dinámico e orientado ao mundo real do fitness, da actividade física e da saúde. Este ciclo prepárate para deseñar, dirixir e supervisar adestramentos, actividades colectivas e programas de acondicionamento físico adaptados a diferentes perfís e obxectivos.
Titulación: Técnico Superior en Acondicionamento Físico
Nivel: Formación Profesional de Grao Superior
Familia Profesional: Actividades Físicas e Deportivas
Duración: 2000 horas (2 cursos académicos)
Modalidade: Presencial (Quenda de mañá)
Ciclo Concertado: Formación oficial e gratuíta
Descrición
Vive unha formación práctica e orientada ao mundo do fitness
É unha formación enfocada á acción, con alta demanda laboral e múltiples saídas profesionais no ámbito deportivo, do adestramento e a actividade física.
Desde o primeiro momento participarás en sesións prácticas, planificación de adestramentos, valoración da condición física e actividades reais relacionadas co ámbito do fitness e a saúde.
Ao longo do ciclo desenvolverás habilidades para traballar con diferentes perfís de usuarios, deseñar programas de adestramento e dirixir actividades físico-deportivas de forma profesional.
É unha formación dinámica, aplicada e en constante relación con situacións reais do ámbito laboral.
Metodoloxía
Aprenderás a través da experiencia. A formación baséase en:
- Sesións prácticas de adestramento e valoración física
- Deseño e aplicación de programas de acondicionamento físico
- Simulación de situacións reais do ámbito profesional
- Traballo por proxectos e resolución de casos prácticos
- Aprendizaxe activa e participativa
- Uso de material específico e instalacións deportivas reais
O obxectivo é que saias preparado para incorporarte ao mundo laboral desde o primeiro día.
Saídas profesionais
Este ciclo ábreche as portas a múltiples ámbitos laborais relacionados co adestramento e a actividade física:
- Técnico en salas de adestramento e ximnasios
- Instrutor de actividades dirixidas (pilates, ciclo indoor, Body Pump…)
- Socorrista
- Técnico de actividades acuáticas
- Adestrador para colectivos especiais
- Coordinador de actividades fitness
- Dinamizador de programas de actividade física e benestar
- Preparador físico
Ademais, poderás continuar a túa formación accedendo a estudos universitarios relacionados coa actividade física e o deporte.
¿A quen vai dirixido?
A persoas que:
- Gozan do deporte e o adestramento
- Teñen interese polo fitness e a actividade física
- Queren aprender a planificar e dirixir adestramentos
- Buscan unha formación práctica e activa
- Valoran unha profesión dinámica e con contacto directo coas persoas
Instalaciones e recursos
O alumnado fórmase utilizando instalacións propias, espazos deportivos conveniados e material específico, o que permite unha experiencia práctica e realista.
- Instalacións propias do centro, como polideportivo, campo de fútbol e diferentes espazos para o desenvolvemento de actividades físico-deportivas e sesións prácticas.
- Instalacións externas conveniadas, como piscina e centros deportivos especializados, entre outros recursos adaptados ás necesidades formativas.
- Material específico de adestramento e valoración física, utilizado habitualmente no ámbito profesional.
Esta variedade de recursos permite traballar en contextos similares aos que o alumnado atopará no mundo laboral.
Material necesario
Para o desenvolvemento das sesións prácticas, o alumnado deberá contar con equipamento deportivo básico:
- Ropa e calzado deportivo axeitados
- Material para piscina (bañador, gorro e lentes)
- Toalla e botella de hidratación recomendables para as sesións prácticas
- Dispositivo electrónico persoal
Este material utilizarase de forma habitual durante o desenvolvemento do ciclo.
Módulos
Módulos formativos do primeiro curso (960 horas)
- Valoración da condición física e intervención en accidentes (240 horas). Actividades básicas de acondicionamento físico con soporte musical (160 horas).
- Acondicionamento físico na auga (213 horas).
- Control postural, benestar e mantemento funcional (187 horas).
- Formación e orientación laboral (107 horas).
- Lingua estranxeira profesional I (53 horas).
Módulos formativos do segundo curso (1040 horas)
- Técnicas de hidrocinesia (105 horas).
- Habilidades sociais (123 horas).
- Fitness en sala de adestramento polivalente (173 horas).
- Actividades especialidades de acondicionamento físico con soporte musical (123 horas).
- Proxecto de acondicionamento físico (26 horas).
- Empresa e iniciativa emprendedora (53 horas).
- Formación en centros de traballo (384 horas).
- Lingua estranxeira profesional II (53 horas).
Proceso de admisión
- Solicitude dentro dos prazos oficiais de admisión da Xunta de Galicia
- Acceso con título de Bacharelato, ciclo medio ou equivalente
- Adxudicación de prazas segundo a normativa vixente
Máis información e solicitude: https://www.edu.xunta.gal/ciclosadmision/
Ao tratarse dun ciclo concertado, non ten custo para o alumnado.
Preguntas frecuentes
¿Ten algún coste?
Non. É un ciclo concertado e totalmente gratuíto.
¿É necesario ter un nivel físico alto?
Non é necesario un nivel avanzado inicial, aínda que si interese pola actividade física e disposición para participar activamente nas sesións prácticas.
¿Realízanse moitas actividades prácticas?
Si. Durante todo o ciclo existe un gran compoñente práctico dentro dos diferentes módulos, con sesións reais de adestramento e actividades aplicadas ao ámbito profesional.
¿O ciclo consiste en "vir adestrar"?
Non. Aínda que é unha formación moi práctica e relacionada co fitness, tamén require aprender contidos teóricos e saber aplicalos correctamente.
O obxectivo non é adestrar como usuario, senón formarche como profesional: aprender a valorar, planificar, dirixir e adaptar programas de acondicionamento físico para diferentes perfís e obxectivos.
¿Realízanse prácticas?
Si. O ciclo inclúe un período de Formación en Centros de Traballo (FCT), que se desenvolve en empresas do sector e permite aplicar o aprendido nunha contorna profesional real.
¿Que opcións teño ao rematar?
Poderás incorporarte ao mundo laboral ou continuar estudando formación universitaria relacionada coa actividade física e o deporte.
¿Fai falta de material técnico específico?
Non. O material técnico e profesional utilizado durante as sesións prácticas é proporcionado polo centro ou polas instalacións colaboradoras, salvo algunha necesidade puntual específica.
