O alumnado de 1º da ESO presentou as súas familias o proxecto “A aventura de comezar” na Celebración da Aprendizaxe, unha actividade na que puideron compartir os coñecementos adquiridos e mostrar como desenvolveron o seu proceso de aprendizaxe ao longo do proxecto.
Un percorrido polas nosas orixes
Os estudantes traballaron sobre os primeiros pasos da humanidade, as primeiras linguas, as grandes civilizacións e os descubrimentos científicos que forman parte da nosa historia. Entre os seus traballos destacaron:
- Liñas do tempo e sistemas de numeración
- Maquetas das primeiras civilizacións e vivendas
- Exposicións sobre escritura, lingüística e arte prehistórico
-
Descubrimentos científicos en bioloxía
Cada actividade permitiu ao alumnado conectar os contidos coa súa curiosidade e creatividade, fomentando unha aprendizaxe activa e participativa.
Celebración coas familias:
Durante a celebración, os estudantes amosaron os portfolios, explicando os seus traballos e compartindo as súas creacións artísticas e proxectos. Foi un momento cheo de orgullo e ilusión, no que as familias puideron apreciar de primeira man o esforzo e a dedicación do alumnado.
Esta actividade permitiu compartir coñecementos, valorar o traballo realizado e mellorar habilidades comunicativas, ao tempo que os estudantes experimentaron a satisfacción de aprender facendo.
A celebración reflicte a filosofía do colexio, situando ao alumnado no centro do proceso educativo, promovendo a curiosidade, o pensamento crítico e a colaboración.
Parabéns ao alumnado de 1º da ESO polo traballo realizado e grazas ás familias por acompañarnos nesta xornada!
