A través do traballo en equipo, puxemos o foco no razoamento: identificar os datos, interpretar a pregunta e relacionar a información dispoñible.
O traballo colaborativo e o traballo baseado en proxectos ofrecen unha oportunidade para a autoaprendizaxe e para aprender dos demais, tamén explicar unha idea axuda a ordenar o propio pensamento e a escoita doutras propostas permite descubrir alternativas diferentes de resolución. Comparar estratexias e revisar erros é a mellor maneira de aprender Matemáticas.
Elixir unha operación implica comprender por que pode axudarnos a atopar a resposta. E obter un resultado esixe deterse a comprobar se ten sentido ademais de redactar correctamente unha resposta lóxica que responda ao que se pregunta.
Esta maneira de traballar permite practicar tamén habilidades esenciais: expresarse con claridade, participar e asumir responsabilidades compartidas. Cada achega axuda a avanzar, e cada dificultade convértese nunha ocasión para pensar xuntos.
O proxecto incluíu tamén un tempo para a reflexión individual, pois na autoavaliación, o alumnado puido revisar o seu propio traballo e a partir da avaliación ao docente recolleuse a súa perspectiva, unha cuestión que é importante coñecer no proceso de ensino e aprendizaxe para que este funcione.
Aprender Matemáticas é tamén aprender a pensar e a construír solucións en equipo.
ES
GA