O outono xa se fai notar no noso patio e, con el, chegou unha das celebracións máis esperadas e especiais do noso calendario: o Magosto.

Durante esta xornada, a esencia das nosas raíces e das tradicións galegas encheu cada recuncho do colexio. O alumnado tivo a oportunidade de participar en diferentes actividades que lle permitiron achegarse aos costumes propios desta época do ano: debullaron o millo con paciencia, elaboraron de maneira artesanal zume de mazá fresco e natural e participaron no tradicional asado de castañas.

Unha xornada chea de sabores, aprendizaxes, risas e descubrimentos que converteu o día nunha auténtica celebración para os sentidos.

Máis alá da festa, actividades coma esta permiten que os máis novos coñezan e vivan de preto a nosa cultura e as nosas tradicións, ao tempo que fomentan valores tan importantes como o esforzo compartido e o traballo en equipo.