Compartimos o día co Colexio María Inmaculada de Silleda.
Visitamos a Catedral de Lugo e o seu museo, observamos as pezas da súa colección de pinturas, o Crismón de Quiroga, o brazo relicario de San Froilán, as vidreiras da capela Maior, a Sala das Virxes, a capela do Pilar, a capela da nosa Señora dos Ollos Grandes e o retablo do Bo Xesús.
Terminamos a visita sentándonos no coro da Catedral para observar a Custodia onde está exposto o Santísimo Sacramento e as pinturas de José de Terán.
Agradecemos a D. Marcos Calles, director do Museo Diocesano Catedralicio por ser o noso guía no día de hoxe, pola súa atención e excelente explicación, así como aos profes e alumnos do Colexio María Inmaculada de Silleda pola súa compañía neste día.
Cando regresamos ao colexio, gozamos todos xuntos de varias actividades deportivas deseñadas polos profesores e alumnos do CFGM de Guía do Medio Natural e Tempo libre e de o CFGS de Acondicionamento Físico que se imparten non CDSL.
As actividades organizáronse en 6 estacións: velocidade, forza, acrosport, cartas, tacto e velocidade de reacción.
O alumnado de ambos os colexios dividiuse en grupos que se identificaban cunha froita. Ao avanzar nas probas, ían acumulando puntos. Os equipos gañadores foron Melón, Kiwi, Laranxa e Sandía. Parabén aos gañadores!
